Supë e ftohtë me kastraveca

Përbërësit: 3 kastraveca të vegjël ose 1 i madh, 200 gr kos, gjysmë qepë të njomë (pjesa e bardhë), 1 lugë e vogël uthull, 1/3 e filxhanit ujë, pak kopër, kripë, piper.

Përgatitja

Kjo supë është zgjedhja e duhur gjatë stinës së verës, si dhe është shumë e thjeshtë për t’u përgatitur. Vendosini të gjithë përbërësit në multi derisa të kthehen në një masë të lëngshme. Pastaj lereni supën në frigorifer për 4 orë, me qëllim që të lidhet.

Supa është gati për t’u shërbyer. Sipas dëshirës, kastravecët mund t’i qëroni apo t’i lani mirë dhe t’i grini pa i qëruar fare.

Ju bëftë mirë!

Recel me shalqi, veror dhe fantastik

Përbërësit: 1 kg shalqi bashkë me lëngun dhe lëkurën e grirë në rende. Në lëkurë të ketë mbetur pak tul i kuq, mos e qëroni krejt. 300 gr sheqer, 100 ml ujë, 1 vanilje, 2 lugë të mëdha shurup shege, lëng nga gjysmë kokrre limoni.

Përgatitja

Fillimisht presim shalqirin në feta të trasha ku të ketë mbetur pak tul i kuq. Pastaj i grijmë në rende. Masën e përftuar e vendosim në një tenxhere, shtojmë ujë dhe e ziejmë në zjarr të fortë për rreth 20 minuta. Herë pas here heqim me një lugë shkumën që krijohet.

Më pas shtojmë sheqerin, vaniljen, lëngun e limonit dhe shurupin e shegës. I lëmë të ziejnë në zjarr mesatar për 10 minuta të tjera duke i trazuar herë pas here, deri sa reçeli “të lidhet”.

Pasi ta hiqni nga zjarri, lëreni të ftohet pak minuta dhe më pas vendoseni në kavanozë me kapakë dhe ruajeni në frigorifer.

Ju bëftë mirë!

Charlotte verore me akullore

Përbërësit: 4 lugë gjelle akullore, 16 biskota savajar, 8 lugë të vogla liker Irish Cream, 12 luleshtrydhe, 4 lugë të vogla shurup luleshtrydhesh

Përgatitja

Për të përgatitur këtë ëmbëlsirë verore, fillimisht i ndajmë biskotat më dysh. Pastaj hedhim likerin në një tas të vogël dhe i zhysim biskotat në liker. Vendosim letër kundër ngjitjes në katër tasë të vegjël dhe i vendosim biskotat aty në këmbë, me anën e rrumbullakët nga lart. Pastaj i mbushim tasat me akullore dhe i vendosim në ngrirje të frigoriferit për rreth 20 minuta.

Më pas i nxjerrim nga frigoriferi dhe i kthejmë përmbys në pjatat ku duam t’i servirim. I zbukurojmë me luleshtrydhe dhe shurup luleshtrydhesh.

Ju bëftë mirë!

“Petulla” me patellxhane

Per kete recete nevojiten: 10 patellxhane, kripe, 250 gr miell, gjysme liter birre, paprika djegeze, 2 thelpinj hudhra, vaj ulliri dhe vaj per te skuqur.

Fillimisht qerojme patellxhanet dhe i presim ne kubike te vegjel. Pastaj i perziejme me kripe dhe I leme ne nje kullester. Nderkohe, ne nje ene pergatisim brumin: perziejme barren me miellin, hudhrat, vajin e ullirit, papriken dhe kripe.
Pasi i shplajme mire patellxhanet e prere ne kubike, i hedhim ne brumin e sapo pergatitur. Pastaj masen e krijuar e marrim me luge dhe e skuqim ne nje tigan me vaj te nxehte.
“Petullat” i skuqim mire, me qellim qe te marrin ngjyre. Eshte nje recete e thjeshte dhe shume e shijshme. Ju befte mire!

Vezë të pjekura... ndryshe

Për të përgatitur këtë recetë do të nevojiten petë të gatshme, por ju mund t’i përgatisni petët vetë. Gjithashtu, duhen 2 lugë gjelle vaj ulliri, 200 gr proshutë e prerë në copa të vogla, 1 lugë gjelle me qepë të njoma të grira sa më imët, 8 kokrra vezë dhe 1/3 filxhan çaji djathë parmezana të grirë.

Fillimisht nxehim furrën e sobës në 190 gradë celsius. Pastaj vendosim tepsinë me format e posaçme që të nxehet. Brenda në forma hapim petët dhe i lëmë të piqen për rreth 15 minuta. Pasi të jenë pjekur, e nxjerrim tepsinë nga furra dhe e lëmë të ftohet.

Ndërkohë në një tigan me vaj skuqim proshutën deri sa të marrë pak ngjyrë. E heqim nga tigani dhe e hedhim në një tas ku më parë kemi rrahur 4 kokrra vezë. Aty shtojmë edhe djathin e grirë, ndërsa me masën e krijuar mbushim format ku më parë kemi pjekur petët. Ndërkohë, në çdo formë shtojmë edhe nga një kokërr vezë. Përsipër hedhim qepët e njoma të grira.

Tepsinë me format e posaçme i vendosim përsëri në furrë dhe i pjekim për rreth 20 minuta. Ju bëftë mirë!

Patate me pana ne furre

Per te pergatitur kete recete te shijshme duhen 5 patate mesatare, 300 gr krem pana, 6 feta bejkon, 100 gr djathe kackavall, 1 thelp hudher, kripe dhe piper.

Pasi t’i keni pastruar patatet, prijini ne kubike mesatare. Pastaj vendosini ne nje tepsi dhe shtoni bejkonin e prere ne cop ate vogla, hudhren e grire, kremin pana, kripen dhe piperin. Perziejini mire e mire dhe me pas, mbulojeni tepsine me leter alumini. Piqini patatet per rreth 1 ore ne 180 grade Celsius, ne nje furre te nxehur me pare. Ju befte mire!